الموسم الدراسي 2009-2010

بما اننا مقبلين على موسم دراسي جديد حبيت نقدم بعض المستجدات :
في الموسم الجديد يقال ان يوم السبت مساءا ويوم الاحد صباحا ومساء راح تكون راحة .يعني نقراو بالجمعة الصباح والخميس كامل.
وقالك الطابليات هدا العام موحدة يعني اللون الازرق لذكور في جميع المتسويات{ابتدائي ، سيام ،ليسي }.
البنات راح يكون اللون الوردي بالنسبة للابتدائي والسيام واللون الابيض في الليسي .
هدي بعض من التغيرات الي راح تكون ، وما خفي كان أعظم ،لكن الجدير بالذكر
انها مست غير الشكل الخارجي نحكيو شوي في الشكل الداخلي يعني الاقسام :
بالنسبة لجماعة السيزيام وإلي ولاو درك سانكيام يقراو في نهاية الموسوم
راح يكون عندهم فحص باه يتعداو لسيام الفحص هدا عبارة عن الدورة الاولى
والي ما نجحش يتعدى لدورة الثانية والي ما نجحش كاين الانقاض يعني
بالمختصر المفيد ناجحين ناجحين .
هدا ممكن يبان شباب ولادنا كامل ناجحين مي الاسوء راح يكون القسم تاع اولى
متوسط يتكون من 50 تلميذ ،العشرة الي قاعدين القدام يقراو والباقي راقدين ولا يقصروولا راهم يفسدو في الدرس ،يعني الاستاذ مستحيل ولا نادرا ما يقدر يتحكم في القسم .
وهادم تاني الي ما نجحش في نهاية السنة راه عندو دروة ثانية يعني نورمال يلعب براحتو.
وكي يوليو كاتريام لاباز راهي 0 تكون نسبة النجاح متدهورة ويقلك راهم الاستاذة راه راه .........
ودرك نطلعو لليسي سنة اولى ثانوي ما عندهمش اساتذة تاع فيزياء وتاع
رياضيات ويقلك سنة ثانية يقراو science ؟؟؟هدي science جديدة بلا فيزياء
ورياضيات .
والي يقراو في جميع الاطوار راهم فابل بزااااااااااااااااف في اللغات يعني
فرونسي ولا انقولي الي تحكي معاه يقلك راني مانفهم والو وبالاخص لونقلي
ديما القسم الماجور يجيبو فيه 5 المعدل في اللغة المسكينة والسبب المدراء
تعنا ما يسبرتوش اللغات الاجنبية {معظمهم طبعا}
وديما تلقى نقص في الاستاذة تاع اللغات ،والاساتذة راهم متخرجين وقاعدين
في الديار وعلاه؟بارسكو ما توفرش ليهم الجو المناسب داخل القسم باه يخدمو .
ومعالي وزير التربية هدا كامل ما يهموش يهمو غير المظهر الخارجي والمدراء
تعنا يكتبو في التقارير تعهم tout va bien ما يقدروش يقولو واش راه صاري
صح ،ولو كان واحد يقول المشاكل تاع المؤسسة يلقى روحو برا .
احنا ديما نقولو ربي يصلح الحال ودرك رانا كامل نعرفو انو المثل القائل يا
الباهي ولا المزوق من برا واش احوالك من داخل؟يلعب دور كبير في بلادنا
خاصة فيما يخص المؤسسات التربوية .
نتمنى التفاعل في الموضوع وتقديم آرائكم بارك الله فيكم .
ملاحظة:مش كل المدراء ما يقوموش بخدمتهم بالعكس كاين الي مزال فيهم الخير
وربي يوفقهم ،ومش كل التلاميذ ينجحو بالغش ربي يوفقم تاني
الموسم الدراسي 2009-2010 638854

.

ههههههههههههههههههههههههه

نتاع الطابليات مليحة

ههههههههههههههههههههههه

على الطريقة اليابانية

نفس الالوان

مزال غير نفس الثياب

وتولي روعة

ههههههههههههه

مشاكل كبيرة تعانيها المنظومة التربوية

الصعود الالي

كثرة الامتحانات في السنة

زادوا عطل اخرى جديدة

مددوا في الخروج في نهاية السنة

ولكن اختي الكريمة :

ليس الوزير وحدوا الي يتحمل المسؤولية

وما تنسايش ان الاقتراحات تمت من اطارت اخرى

بالنسبة لتوحيد المآزر فكرة مليحة لانها عامة في العالم

الدورات الاستدراكية في الحقيقة مخصصة للتلاميذ القراب

من المعدل اي قريب للمتوسط ولكن هنا مخصصة للجميع

وكما قلتي راح تنجح الناس كامل لانها امتحانات شكلية فقط

... سوء في التسيير اهمال لا مبالاة

وكأن الجيل القادم لا يهمهم

اختي الكريمة :

انشفال في محله ويستحق المتابعه والمناقشة والاثراء

بارك الله فيك ولي عودة اخرى ان شاء الله