الجزائر ومصر

من طرف إبداع الأحد 9 نوفمبر - 17:29

بعد ان اوقعتنا قرعة كاس افريقيا وكاس العالم مع المنتخب المصري الشقيق توالت عدت تصريحات خاصة من الصحافة المصرية

التي ضخمت كثيرا في اقاويلها .

وسيقوم المنتخب الوطني خلال هذا الشهر باجراء تربص في فرنسا تتخله مبارات ودية ستجمعه بالمنتخب المالي ، وبالتاكيد

ان هذا التربص سيكون فرصة للاعبي المنتخب الوطني من اجل التحدث فيما بينهم عن مجموعة الجزائر وخاصة لقاء مصر الذي

سياخذ الكثير من حديث الاعبين

وفيما يلي ساتحدث عن الكلام الذي قد سيدور بين العناصر الوطنية .

الشيخ سعدان : هيا يا لولاد للتدريبات من اجل التحضير الجيد للتصفيات .

قواوي : يا الشيخ قولنا من اجل التحضير لمباراة مصر ، باذن الله هدف او مسجلوهش عليا راكم تعرفوا بلي انا دائما اتفوق على

على الكرة المصرية سواء المنتخب او الاندية والدليل انه عندما فزنا عليها في 2001 كنت في التشكيلة الاساسية ، كما انه

سبق لي وان فزت على النادي الاسماعيلي في نهائي كاس الكاف رفقت الشبيبة ولا ننسى النادي المصري المصري .

زاوي سمير : يا السي الوناس حتى انا راني فزت على امبي المصري رفقت فريق جمعية الشلف في منافسة كاس الكاف ،

اربحناهم في سطادهم بهدف مقابل صفر سجلوا بوخاري اللي راه يلعب في البطولة المغربية الله يذكروا بالخير .

رحو سليمان : اسكت يا الزاوي قلنا ماتهدرش ولا غادي مانعطيكش الفيزا باش اتروح لوهران

عنتر يحيى : يا لجان اسمعت بلي ميدو قالك بلي انقطع الشبكة بالاهداف عندما راح يلعبونا ، واش هدا انسى بلي انا اللي راقبتو

في 2004 واقطعت عليه الماء والكهرباء ولاراه انسى بلي الاسد عنتر مزالو يلعب مع المنتخب الجزائري .

مجيد بوقرة : ياودي اخطيك منو يا عنتر هداك باين ماعندوش عقلية التاع محترفين ، انهار الماتش خليه ليا حتى النفس انحبسولو

ماشي غير نقطع عليه الماء والكهرباء برك .

بلحاج نذير : انا خلولي عمرو زاكي هداك التاعهم ، شفتو انهار اللي لعبت بورتسموث لويغان يا ودي طيحتو لرض ، وبربي

ان شاء الله انعاودهالو .

يزيد منصوري : يا لجان كفا غرورا المهم احنا انقولوهم الهدرة فوق الميدان مض في الصحافة والحصص التليفزيونية .

حمداني : (دائما يسمع للأحديث في صمت تام .)

بزاز ياسين : يا الخاوة لمصاروة راهم فرحانين كي ماهوش معانا حسين آشيو ، بالصح خليهم انهار الماتش راح اجيهم حرامي

جديد اللي هو انا راهم ناسيين بلي انا ماركيت لنادر السيد التاعهم انهار العبنالهم في عنابة .

زياني كريم : ياودي انا راني استغربت في حاجة واحدة برك ، كي قال حسام حسن بلي الجزائر ماعندهاش محترفين ملاح ،

واش راهي ناسي بلي راني داير حالة في لكيب التاعي مرساي ، بلا ماننساو السي عنتر في البوندسليغا وبلحاج في انجلترا .

صايفي رفيق : واش انا نسيتني ولا واش يا كريم علاه مانيش محترف كبير ما تنساش بلي العام اللي فات كنت من بين

احسن هدافي البطولة الفرنسية ، ياودي المصاروة راهم خايفين مني بزاف بربي ان شاء الله نخلعهم بالمراوغات .

غزال عبد القادر : انا مصر هادو جامي شفت ماتش التاعهم على كل حال هوما تاني مايعرفونيش بالصح انهار الماتش

يعرفوني مليح كي انمدرمد عصام الحضري في الارض .

الشيخ سعدان : واش انسيتو رواندا او زامبيا ياو العود اللي تحقرو يعميك ديرو هذا المثل دائما في بالكم ، خلونا انحضرو

للماتش التاع رواندا من بعد نهدرو على مصر كي ازيد وانسموه بوزيد .

هذا فقط تصور في مخيلتي للحديث الذي قد سيكون بين عناصرنا الوطنية حول مباراتنا ضد مصر

في الاخير اتمنى ان يكون الموضوع قد نال اعجابكم .