إضحك ونحي عنك الزعاف:

السلام عليكم
أقدم لكم هذه النكت الجزائرية الرائعة :


1-أفاقت الزوجة من نومها مذعورة فسألها زوجها مابك فقالت له حلمت أن رجلا وسيما وغنيا قد خطفنى منك فقال لها ولماذا تبكين انه مجرد حلم فقالت له ولهاذا أنا أبكي

2- واحد كل صباح ينوض مدهوش وفي واحد في صباح ناض غير مدهوش فاندهش

3-مرة أستاد سأل تلميدو واش يعني السبيل قالو تلميد :الطريق قالو احسنت واش معناها سلسبيل قالو طرطريق

4-قال ليك هادا واحد تابع وحدة من اللور و كا يقول عندنا العمارات عندنا الفيرمات عندنا أراضي ؛وهي تدور عندو و بانت ليه خايبة وهو يكول ولكن بعنا كلشي

5- زوج راحو للبحر واحد عام ولوخر ستة شهر

6-ثلاث مهابولات دارلهم الطبيب القران ناظو 2 يشطحو بقات وحدة ظنها الطبيب بلي برات سألها وعلاه منظتيش تشطحي قاتلو انا لعروسة

7-كان معلم يدرس الرياضيات يسال واحد مايفهمش الرياضيات قالو والدك يعطي لخوك 3 تفاحات وانت تفاحة وش= قالو تصرا حرب في الدار

8-قالك واحد السراق مسلح دخل يسرق دار قال للراجل و مرتو: اعطيوني السوارد لي عندكم مدولو ......مبعد قال للمرا : وش اسمك قالتلو: خيرة قالها لكان ما جاش اسمك كيف اسم يما اني قتلتك...... مبعد سقسا الراجل قالو : وانت وش اسمك قالو: جمال و يعيطولي خيرة

9-واحد كان يمشي مع وحدة شافت والدها من بعيد قاتلو روح والدي راهو جاي قاللها كشماكان انا خوك

10-قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....

11-قالك خطرة واحد مع صحبتو يغازل فيها واش قالها؟؟؟؟؟ يا حمامتي؟؟؟؟؟؟؟؟ قالتلو ماتقوليش يا حمامتي قولي يا غزالتي, واش قالها؟؟؟؟؟؟؟؟؟؟؟؟؟؟؟ المهم حيوان

12-قالك واحد راسو كبير تمسخرو بيه الدري راح لم قالها: علاش راسي كبير قالتلو : وحد النهار كيما كنت

صغير طحت على راسك جيت نحطلك القهوة حطيتلك الخميرة
13-بوليسي للمحبوس : نتا ماديرش خلاص الخير في حياتك؟ رد عليه: لا ندير، أني هنا باش تسلك انت

14-قالت الأم لإبنها :ماذا تفعل إذا داس أحدهم على قدمك ثم اعتذر لك ؟ ردّ الإبن :أسامحه يا أمي ، الأم :و إذا أعطاك هدية ليؤكد اعتذاره ؟ الإبن :أطلب منه أن يدوس على قدمي الأخرى

15-واحد مشحاح بزاف شعلت النار في دارو ، راح يبيبي (ybipi)للحماية المدنية

ها ها ها ها ها ها ها ها

ان شاء الله تعجبكم :(

مشكور

ههههههههههههههههههههههه

يعطيك الصحة على النكت ينحو الزعاف صح صح ربي يبارك فيكسيرتو هادي هااااااااااااااااايلة
8-قالك واحد السراق مسلح دخل يسرق دار قال للراجل و مرتو: اعطيوني السوارد لي عندكم مدولو ......مبعد قال للمرا : وش اسمك قالتلو: خيرة قالها لكان ما جاش اسمك كيف اسم يما اني قتلتك...... مبعد سقسا الراجل قالو : وانت وش اسمك قالو: جمال و يعيطولي خيرة


ايه ونكملك هدي
10-قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
مالا جا نهار وقاتلو صحيبتو واش تغديت قاللها تغديت بيتزا بصح من المغرفة الثانية حبست ماعجبتنيش

بارك الله فيك ضحكتني بعد مكنت مقلقة وعجبتني نكتتة سلسبيل غدا احكيها لتلاميذ ويعطيك الجنة من ادخل السرور على قلب مسلم له اجرعضيم