البااك نشوة، والجامعة حشوة ، والخدمة رشوة

من طرف LAMARQUISE الخميس 17 سبتمبر - 0:41

السلام عليكم...
راح نعطيكم معادلة
و هاذي معادلة ...تقدرو تقولوا كاينة غير في بلادنا ....

*النشوة:

...الطفل مسكين ....يدخل يقرا مولا 6 سنين..مالعبش مليح ...يكره لقراية من
الصغر...يرجع يدير السبايب ويلعبها مريض ..باش مايروحش الصبااح...ممكن
يكون عنده الحق...تبكيرة في الباطل ......مرة يجي المعلم ومرة مايجيش..و
مبعد في الاختبار هدا يطلع وهذا يعاود العااام...وهكدااا حتى يفوت الطفل
البياام ويروح للليسي عقلو فارغ ..الا مارحم ربي.......
..يجي الليسي...بروميارآني..ودوزيامآني...اللعب والمشاكل ..وووو..
...يوصل للبااك...يبدا يقرا..ماحاكم والو...لا الاساتذة ملاح ولا البرنامج مليح...كل واحد يدبر راسو...يقراا والا يريح في الدار...
المهم....نقولو ربح البااك........... عقلو طاير في الجامعة...
..مالا وصلنا لـل....
*الحشوة:

الجامعة الجزائرية...ماكان وااالو...غير لفظة الجامعة وبس...لا قراية
...لا تنظيم..اصلاا منين تدخل اي جامعة تحسب روحك داخل جاردان بيبليك
.....الجمايع وتمسخير ...النااس غير تدور..اي شخص ومهما كان النيفو نتاعه
يفوت للجامعة...الاستاذ مرة في الشهر يجي..يحط لي كور ويروح..صحاب لي تيدي
منحكوش .وزييييييد..
....اهنا لي ربح الباااك يتفكر النشوة نتاع التارمينال ويقول ..ايييه الجامعة صح حشوة...
*الرشوة:

هذا الطالب...يتحمل الميزيرية و كل شيء في الجامعة...ربعه سنين والا
أكثر...هاهو أدا الديبلوم..يروح على نيتو يشارك في كونكور والا كاش
حاجة...ايييييييييه راه غير يضيع فالوقت.....لي ليست تعملو من وقت
...ناااس لكتااف واللي يحطوهم -نقداا-تحت المائدة هوما للي يخدمو
برك...اما المسكيين.....يشقى بااش يلقى خدمة....
...يعني لازملك الرشوة والا ماتخدمش..وتبقى زاوالي طول حياتك...قرايتك ضيع..لا زواااج ..لا رد الجميل للوالدين...

...انا طولت الكلام . راح تقولوا ..واش راه يقول ...لكن الله غالب......
راني نهدر....
البااك نشوة، والجامعة حشوة ، والخدمة رشوة .........

......اسمحولي...منيش نكره فيكم في لقراية لكن ....حتى نعيش الواقع ونحس
وش يدور حولنا.....لعل نغيروا شوي ونوقضوا الضمائر الميته ...