يوميات صائم برهومي ..

السلام عليكم ورحمة الله وبركاته .

اليكم برنامج يومي لشخصين صائمين من برهوم , لكن شتان بينهما .

الاول :
-استيقظ من النوم الساعة الرابعة والنصف مساءا , توضا وصلى الصبح والظهر والعصر جمعا بدون تقصير ولكن بسرعة فائقة !, هو نفسه مستغرب لسرعته !
-شاهد التلفاز لمدة ساعة ( 15 دقيقة روتانا اغاني ,15 دقيقة اضحك معنا ,15دقيقة هيا نلعب برنامج اطفال , 15 دقيقة الاخبار الرياضية شاهدها وهو يشتم لهزيمة الفريق الوطني ! )
-قال لامه اعطيني 1000دينار رايح نقضي ( قريقشات , ياؤورت , كوكا كولا .....) .
-خرج للشارع واول شئ فعله تشاجر مع شخص اخر لانه ماشافوش وقاسوا كي كان يقضي من السوق !
-اي صديق له يلتقيه في الطريق لا يكلمه لانه صائم واي حديث اوشغل مؤجل الى ما بعد الافطار !
-التقى صديق له عنده سيارة اقترح عليه ان يدهبوا الى اولاد تبان يجيبوا شويه حسوة ( لبن ) ومن بعد اولاد تبان يفوتوا ل راس اسلي يجيبوا شويه زلابية انتاع الشعير , وهداك هو يروحوا مع المغرب قد قد !
-رجعوا وكي لحق ل برهوم كان المؤدن يؤدن , بصح اكيد هو غير معني بالادان ! , كمل للدار مباشرة .
-لحق للدار ونسى باش يقول ل صاحبوا ريح تفطر , اتفكر بعد ما شبع , المهم كي لحق للدار القى الشربة مزالت ماوجدتش , اختوا ضربها ,امو سبها , وكسر زوج طباسى , وسب سب حتى كره السبان , وهو يقول انتم ما عندكمش احساس بالصوم , النهار وطول الواحد صايم وتزيدو ما توجدوش الفطور في وقتوا !!!!!!!!!!
-كلا حتى التخمة ومن بعد ناض صلى المغرب وهو موش قادر يهز روحوا
وما جا يكمل الصلاة حتى نقض الوضوء انتاعوا .
-اخرج للسوق واي واحد من اصحابوا يلقاه يضحك اعليه ويقلوا راني شفتك لعشية امدقدقك رمضان ( هو لي يضحك على صحابوا !!!).
-يريح في القهوة يميط ( يثرثر في الكلام غير المفيد ) , فجاة يؤدن للعشاء ينوض يتوضا في المرحاض انتاع القهوة ويتهاوش مع لي راه في المرحاض وطول ما اخرجش ,ومن بعد يروح للجامع ويلحق بركعة واحدة لاغير !
-يخلص الصلاة انتاع العشاء وينقب الشفع والوتر وحدوا , ويخرج يرجع للقهوة , ولي يسقسيه اعلاه ما صليتش التراويح يقلوا ( والله راني امهتك وتعبان اخلاص !!!!!!!!!!!!!! ) .
-يقعد يدومن ولا يكورط مع اصحابو حتى يطلع النهار, ويروح يرقد .
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

الثاني :
اتمنى ان تكون انا وانت اخي واختي الكريمة , الثاني لا يمكن دكر برنامجه لانه مكثف وثري ( صلوات فرائض في اوقاتها , نوافل , تراويح , صدقات , فعل الخيرات , تسبيح , استغفار ,قران , .........) , يستغل كل لحظة في هدا الشهر الكريم لينهل من خيراته وفضله العظيم .

الله المستعان.

السلام عليكم ورحمة الله

مشهد يتكرر تقريبا كل يوم في اسواقنا

ربي يعفو برك

والله القلب نتناعك يخرج وانت تشاهد السب والشتم والمشاجرات

والاكبر من هذا كله سب المولى عز وجل

اصبح رمضان شهر المشاجرات والمعافرات

وليس شهر التوبة والغفران

وصح فطوركم